Аднаўленне драўляных канструкцый гістарычных збудаванняў
Запрашаем на сустрэчу з архітэктарам-рэстаўратарам Зміцерам Савельевым!
Як вядома, ужо бадай месяц на нашых аб’ектах, аб’яднаных ў “Этнаграфічны комплекс «Млын»”, ідзе доўгачаканая рэнавацыя. Старая дранка — такая драўляная дахоўка, — што ад свайго веку ўжо бадай спарахнела, заменьваецца на новую.
Новае жыццё млына — дарэчы, астатняга на ўсю Беларусь дзеючага паравога млына, — а таксама хаты завознікаў ды свірана, што і складаюць комплекс, ладзіцца бадай на нашых вачох.
Пра гэта, пра рэстаўрацыю драўлянай архітэктуры — пра аднаўленне драўляных канструкцый гістарычных збудаванняў, — пра млыны Беларусі ды наогул пра сённяшнія рэстаўрацыйныя практыкі і мае прайсці размова з панам Зміцерам.
- Дзе: Хата завознікаў, этнаграфічны комплекс “Млын” Гісторыка-культурнага музея-запаведніка “Заслаўе”, зав. Савецкі, д. 8, г. Заслаўе (каля самой станцыі “Беларусь”).
- Калі: субота 25 лістапада 2023, а 12/00.
- Як даехаць: ад Мінску — маршрутка “Мінск – Заслаўе” № 499 (да пераезду), на электрацыі гарадскіх ліній па маршруце Мінск – ст. Беларусь, адыход цягніка а 11/25.
Уваход па квітках у музей (5 руб., ільготны — 3 руб.)
